RTE Admission 2026-27 last date : पालकांसाठी, आपल्या मुलाच्या शिक्षणासाठी RTE (शिक्षण हक्क) प्रवेशासाठी लॉटरी हा एक महत्त्वाचा टप्पा आहे. 2026 मध्ये ज्या पालकांनी अर्ज भरले होते त्यांच्यासाठी खूप महत्वाचा असणार आहे.
काही दिवसापूर्वी लॉटरी जाहीर झाली असून त्याची पहिली यादी अगोदरच प्रकाशित झाली होती आता दुसरी यादी प्रसिद्ध झाली असून ज्यांचे नाव प्रतीक्षा यादीमध्ये होते त्यांचे नाव आता निवड यादीमध्ये आले असणार आहे.
ज्याचे अगोदर नाव प्रतीक्षा यादी मध्ये होते त्यांनी खाली दिलेल्या संकेतस्थळावर जाऊन आपल्या अर्जाची स्थिती तपासावी आणि नंबर लागला असेल तर त्या ठिकाणाहून प्रवेश पत्र डाउनलोड करावे व पुढील प्रक्रिया पार पाडावी.
पाहण्याची प्रक्रिया
- https://student.maharashtra.gov.in/adm_portal/Users/rte_index_new या संकेतस्थळावर जावयाचे आहे.
- त्यानंतर अर्जाची स्थिती (Application wise details) हा पर्याय निवडायचा आहे.
- आपण भरलेल्या अर्जाचा नंबर टाकायचा आहे आणि “GO” या बटनाला क्लिक करायचे आहे.
- जर तुमच्या पाल्याचा नंबर लागला असेल तर खाली सर्व माहिती दिली जाईल
- नसेल लागला तर प्रतीक्षा यादीमध्ये (Waiting List) नाव चेक करू शकता.
पालकांसाठी सूचना
निवड यादीतील (List No. 2) प्रवेश पात्र विद्यार्थ्यांना प्रवेश घेण्याची मुदत दिनांक 15 मे 2026 ते 23 मे 2026 पर्यंत आहे.
निवड यादीतील प्रवेश पात्र बालकाच्या पालकांनी अर्ज भरताना जी कागदपत्रे नोंदविली आहेत त्या सर्व कागदपत्रांच्या मूळ प्रति व साक्षांकित प्रति घेऊन जाव्यात तसेच आपल्याला मिळालेल्या अलॉटमेंट लेटरची प्रिंट त्यांच्या लॉगिन मधून किंवा पडताळणी समितीकडे जाऊन काढावी/काढून घ्यावी. पालकांनी आपल्या बरोबर आरटीई पोर्टलवर असलेली हमी पत्राची प्रिंट देखील घेऊन जावी.
आरटीई ऑनलाईन प्रवेश प्रक्रिया सन 2026-27 या वर्षाकरिता निवड यादीतील प्रवेश पात्र बालकांच्या पालकांना त्यांच्या मोबाईलवर एसएमएस प्राप्त होतील परंतु पालकांनी फक्त एसएमएस वर अवलंबून न राहता आरटीई पोर्टल वरील “अर्जाची स्थिती” या टॅब वर आपला अर्ज क्रमांक लिहून लॉटरी लागली अथवा नाही याची खात्री करावी.
ऍडमिट कार्ड काढण्यासाठी पालकांनी लॉगिन करू नये पोर्टलवर दिलेल्या “अर्जाची स्थिती” या टॅबचाच वापर करावा
अर्ज भरताना जी कागदपत्रे नोंदवली आहेत त्या सर्व कागदपत्रांच्या मूळ प्रति व साक्षांकित प्रति पडताळणी समितीकडे जाऊन विहित मुदतीत आपला प्रवेश ऑनलाइन निश्चित करावा आपला प्रवेश ऑनलाईन निश्चित झाला आहे याची रिसीट पडताळणी समितीकडून घेणे आवश्यक आहे.
प्रतीक्षा यादीतील विद्यार्थ्यांनी “अर्जाची स्थिती” या टॅब वर आपला अर्ज क्रमांक लिहून प्रतीक्षा यादीतील आपला नंबर पहावा.
निवड यादीतील विद्यार्थ्यांनी प्रवेश घेण्याची मुदत संपल्यानंतर मगच प्रतीक्षा यादीतील विद्यार्थ्यांना अनुक्रमे एसएमएस पाठवले जातील.
लॉटरी लॉजिक:
महाराष्ट्र RTE प्रवेशासाठी लॉटरी प्रक्रियेमध्ये पारदर्शकता आणि निष्पक्षता सुनिश्चित करण्यासाठी संगणकीकृत प्रणालीचा वापर केला जातो.
१. २५% आरक्षणानुसार शाळेच्या प्रवेश क्षमतेपेक्षा जास्त अर्ज आलेल्या शाळांसाठीच लॉटरी काढली जाईल.
२. सर्व पात्र उमेदवारांचा त्यांच्या पसंतीच्या सर्व शाळांच्या वाटपासाठी विचार केला जाईल.
एका शाळेचे वाटप झाल्यानंतर कोणत्याही उमेदवाराला वगळले जाणार नाही. उदा. जर उमेदवाराने ५ शाळांसाठी अर्ज केला असेल, तर त्याला/तिला सर्व ५ शाळांमध्ये किंवा ५ पेक्षा कमी शाळांमध्ये जागा दिल्या जाऊ शकतात.
३. वाटपासाठी, शाळेपासून १ किमी त्रिज्येच्या परिसरात राहणाऱ्या उमेदवारांना आणि त्यानंतर अर्ज केलेल्या शाळांपासून २-३ किमी त्रिज्येच्या परिसरात राहणाऱ्या उमेदवारांना प्राधान्य दिले जाईल.
४. १ किमी त्रिज्येच्या परिसरात राहणाऱ्या उमेदवारांना शाळांचे वाटप पूर्ण झाल्यावर, २-३ किमी त्रिज्येच्या परिसरात राहणाऱ्या उमेदवारांचा विचार खाली स्पष्ट केलेल्या लॉटरीच्या तर्कानुसार उर्वरित रिक्त जागांसाठी केला जाईल.
1. आरक्षित जागा: एकूण उपलब्ध जागांपैकी २५ टक्के जागा आर्थिकदृष्ट्या दुर्बल आणि सामाजिकदृष्ट्या वंचित घटकांसाठी आरक्षित आहेत.
RTE प्रवेश दुसरी यादी पाहण्यासाठी येथे क्लिक करा
2. प्राधान्य गट: प्रवेशासाठी अर्जदारांची संख्या उपलब्ध जागांपेक्षा जास्त असल्यास, खालील प्राधान्य गट विचारात घेतले जातात:
- गट १: अनुदानावर चालणाऱ्या शाळांमध्ये शिकणाऱ्या विद्यार्थ्यांची भावंडे (जर ते त्याच शाळेत प्रवेश घेण्यासाठी पात्र असतील) आणि शाळेचे शिक्षक आणि कर्मचाऱ्यांची मुले.
- गट २: ज्या पालकांचे उत्पन्न वार्षिक १ लाखापेक्षा कमी आहे आणि ज्यांच्याकडे संबंधित कागदपत्रे आहेत अशा आर्थिकदृष्ट्या दुर्बल घटकातील मुले.
- गट ३: सामाजिकदृष्ट्या वंचित घटकातील मुले (SC, ST, VJ, NT, OBC, इ.).
- गट ४: अपंग मुले (PWD).
- गट ५: इतर आर्थिकदृष्ट्या दुर्बल आणि सामाजिकदृष्ट्या वंचित घटकातील मुले.
3. यादृच्छिक निवड: प्राधान्य गटांतर्गत अर्जदारांची निवड करण्यासाठी संगणकीकृत यादृच्छिक निवड (Random Selection) प्रणालीचा वापर केला जातो.
महत्त्वाच्या गोष्टी:
- पालकांनी लॉटरीच्या तारखेबद्दल अधिकृत वेबसाइटवर नियमितपणे अपडेट पहावेत.
- लॉटरीमध्ये निवडलेल्या विद्यार्थ्यांच्या पालकांनी दिलेल्या मुदतीत शाळेत प्रवेश घेण्यासाठी आवश्यक कागदपत्रे सादर करणे आवश्यक आहे.
- कोणत्याही प्रकारच्या अफवांवर विश्वास ठेवू नका आणि केवळ अधिकृत स्त्रोतांकडून मिळालेल्या माहितीवर अवलंबून रहा.
- RTE प्रवेश २०२६ ची लॉटरी तुमच्या मुलासाठी शिक्षणाच्या नवीन संधी घेऊन येईल, अशी आशा आहे. अधिक माहितीसाठी, अधिकृत वेबसाइटला भेट द्या.