Maharashtra Expressway : महाराष्ट्रातले रस्ते नेहमीच चर्चेत असतात, कधी कामाचा वेग, कधी कंत्राटदारांचे विषय, तर कधी प्रवाशांच्या तक्रारी. पण आजच्या हिवाळी अधिवेशनात केंद्रीय मंत्री नितीन गडकरी यांनी जी माहिती दिली, ती अनेकांसाठी दिलासा देणारी ठरली.
कारण बराच काळ लांबणाऱ्या काही प्रमुख महामार्गांच्या (Maharashtra Expressway) कामांबाबत त्यांनी स्पष्ट वेळापत्रक दिलं आणि त्याचबरोबर राज्यातील एका महत्वाच्या चारपदरी मार्गाला आता सहापदरी करण्याचा प्रस्तावही मंजूर झाल्याची खात्री दिली. या अपडेटमुळे रोज या मार्गांवरून जाणाऱ्या लोकांमध्येही एक हलकासा आनंद पसरला आहे.
